Bullgaria këshillon ndarjen e Maqedonisë

Deklarata, lajm kryesor për mediat maqedonase

Ndarja e Maqedonisë është opsioni më paqësor për të ardhmen e këtij vendi për të shmangur skenarët e konflikteve horror. Kështu shkruan gazeta e përditshme bullgare “Novinite”, e cila është transmetuar si lajm qendror nga mediat në Shkup. Sipas gazetës, Maqedonia ka rol kyç në stabilitetin e tërë rajonit, ndërsa destabilizimi i saj mund të jetë mënyra më e mirë për të rikthyer luftën ndërkombëtare dhe vetëm për gjysmë ore konflikti do të ndizet në Shqipëri, Kosovë, Serbi, Bullgari, Greqi, Rumani dhe Turqi. Sipas gazetës, duhet të gjendet një zgjidhje që do të mund të garantonte stabilitet afatgjatë në Maqedoni. Gazeta më tej shkruan se edhe pse është shmangur konflikti i vitit 2001, tensionet etnike akoma vijojnë, ndërsa tani janë rindezur nga vrasja e pesëfishtë në Smilkovc dhe se tani shqiptarët dhe maqedonasit akoma edhe më shumë po urrehen mes tyre. Sipas Novinite, nga ndarja preventive do të shfrytëzojnë të gjithë, ku shqiptarët do të kënaqin idetë e tyre të mëdha kombëtare, ndërsa maqedonasit do të humbasin një pjesë të vogël, në rast se tani do të ndahen nga shqiptarët, dhe jo pas dy dekadave, për shkak se nataliteti i shqiptarëve shënon rritje të shpejtë. “Është fakt se shumë nga shqiptarët etnik në Maqedoni, qoftë për arsye kulturore kanë rritje të popullsisë nga ajo e maqedonasve sllav dhe ata e shohin faktin se jetojnë me bindjen se pas 10,15 apo 20 viteve do të jenë në pozicionin për të kërkuar federalizimin e Maqedonisë dhe pjesën më të madhe të këtij vendi”, thekson gazeta bullgare.


Nuk ka komente

Bëhu komentuesi i parë!

Komentoni