Sulmuesi i Zurichut dhe Kombëtares shqiptare, Armando Sadiku, ka marrë një dhuratë mjaft interesante nga dy vëllezër binjakë që janë pronarë të një kompanie italiane që merret me dhurata sportive. Ata i kanë dhuruar një fron mbretërish të personalizuar me fanellën e Kombëtaren shqiptare. Dhurata tjetër është një pikturë e futbollistit me uniformën e Zurichut kur feston super golin e shënuar ndaj Villarrealit në Europa League. Sadiku e ka postuar këtë foto në profilin në Instagram duke falënderuar vëllezërit binjakë për dhuratën mjaft të bukur për festat e fund vitit.
