Javorja londineze “The Economist” shkruan se nuk dihet efekti i vendimit gjyqësor të GJND-së për emrin, edhe pse në Shkup ky vendim u shndërrua dhe u festua si fitore ndaj Greqisë.
Gazeta britanike shkruan se për momentin nuk mund të thuhet se ky vendim në favor të Shkupit a do të ndihmojë këtë vend për të zhbllokuar procesin e gjatë dhe pritjet si vend kandidat në BE dhe për anëtarësimin në NATO.
Ajo zbulon se tanimë po punohet që të nxiten SHBA, që Maqedonia të ftohet për t`iu bashkuar NATO-s në Samitin e ardhshëm që do të mbahet në Çikago të SHBA-ve në maj të vitit 2012.
“The Economist” shkruan se një numër i vogël i vendeve të BE-së kanë mirëkuptim për pozicionin e Greqisë dhe kundërshtimin e saj për ofrimin e Maqedonisë në gjirin e BE-së. Edhe situata rreth anëtarësimit në NATO mbetet e paqartë, sidomos rreth faktit se si do të jenë zhvillimet e mëtejshme.
