FITIM DIKA
Nga sot Zvicra do dëbojë të gjithë të huajt të cilët janë ngarkuar me shkelje të rënda ligjore, si vrasje, tentim vrasjesh, dhunime, grabitje dhe për procedime tjera ku janë dënuar me mbi një vjet heqje lirie, shkruajnë mediat zvicerane.
Sipas ligjit ata duhet të dëbohet nga vendi i alpeve sëpaku pesë vjet dhe më së shumti 15 vjet. Në rast se shkeljet përsëriten atëherë ata do dëbohet për 20 vjetët e ardhshme, shkruan.
Mund të ketë përjashtime
Për personat që kanë jetuar shumë kohë në Zvicër dhe që kanë punuar e shkolluar mund të ketë përjashtime, qoftë edhe nëse janë dënuar me mbi një vjet. “Të huaj me lidhje të ngushtë me Zvicrën,” janë quajtur sipas ligjit zviceran. Këtu më së shumti bëhet fjalë për brezin e dytë.
Iniciative për dëbimin e tyre u aprovua me referendumin e partisë populiste zvicerane SVP, 2010, ku 52.9 përqind e zvicerane votuan “për”. Rreth një e katërta e banorëve në Zvicër janë të huaj, ndërsa prej tyre 5.8 përqind janë nga Kosova. Shumica e të huajve në Zvicër janë nga Italia (15.3%)./BS
