Procesi i verifikimit të zarfeve me vota, të ardhura nga Serbia, është ndërprerë gjatë ditës. Kjo pas kundërmimit të zarfeve. Si pasojë raportohet të jenë helmuar rreth 26 zyrtarë që kanë qenë të ngarkuar me numërimin e zarfeve.
Mbi 20 zyrtarë të Komisionit Qendror të Zgjedhjeve janë helmuar sot si shkak i kundërmimit të zarfeve që kanë ardh nga Serbia.
Ngjarja në KQZ kthen në kujtesë helmimet që kryente Serbia gjatë të ’90-ave në Kosovë
Media nga burimet e saj mëson se 5000 vota kanë ardhur në fillim, ndërsa KQZ i ka aprovuar 3782 vota, zyrtari ndërlidhës Kosovë- Serbi Dejab Pavicevic edhe një tjetër zyrtar serb i njohur si Peca me datën 4 të këtij muaji kanë dorëzuar zarfet në pikën e postës tek rruga Agim Ramadani, në Prishtinë, ku zarfet i kanë dërguar përmes një veture.
Zyrtarët në fjalë një ditë më parë kanë qëndruar në Mitrovicë. 150 zarfa brenda kanë qenë zarfa të votuar më nga 20 copa fletëvotime.
Zyrtari serb i cili solli zarfet nga Serbia në Kosovë është Dejan Pavićević, kurse personi prapa tij në fotografinë e siguruar nga Indeksonline njihet si Peca.
Në pranverën e vitit 1990 regjimi mijëra nxënës shqiptarë po nxirreshin nga shkollat të alivanosur nga helmimet.
Mbi 7 mijë shqiptarë, kryesisht të moshave të reja, ishin helmuar me gazra toksike. Nga incizimet e bëra simptomat tregojnë se nxënësit u helmuan me një lloj helmi toksik, i cili kishte ndikim të fortë në organizëm duke u shkaktuar shtangim muskujsh, vjellje, alivanosje, çrregullim ndjenjash e shumë pasoja të tjera.
