Wienë, 7 qershor -Shefat e policisë së vendeve përgjatë rrugës ballkanike, përfshire ketu edhe ate nga Kosova jane takuar sot dhe kane rënë dakord për një bashkëpunim më të mirë operacional, tha përfaqësuesi austriak Franz Lang, transmton agjencia e lajmeve “Presheva Jonë”
“Të gjithë thanë se kishte arsye për shqetësim”, tha Lang për agjencie e lajemev austriake – APA. Lang ne vazhdim tha se aktualisht ka rreth 80,000 emigrantë në rajon dhe se ata ende kanë për qëllim të arrijnë Evropën Perëndimore. Në takimin e djeshëm morën pjesë përfaqësues të policisë së Shqipërisë, Kosovës, Bosnjës dhe Hercegovinës, Greqisë, Kroacisë, Maqedonisë, Sllovenisë, Austrisë, Serbisë.
“Shqiptarët raportuan se numri i kalimeve të paligjshme të kufirit është dyfishuar,” tha Lang, i cili është drejtori i Shërbimit Federal të Hetimeve Kriminale të Austrisë.
Sipas të dhënave zyrtare që nga fillimi i vitit, në Shqipëri kishte rreth 2.000-2.400 njerëz.
Fakti që politikanët shqiptarë në një deklaratë për gazetarët austriak kohët e fundit u përpoqën të tregonin se nuk kishte valë masive të emigrantëve në atë vend, Lang komentoi se askush nuk dëshiron të dramatizojë situatën.
“Situata ende nuk mund të krahasohet me atë të vitit 2015, kur vala e refugjatëve arriti kulmin, por ne duhet të tregojmë qartë se kjo nuk mund të përsëritet”, tha ai.
Lang ka raportuar se qëllimi është vendosur, domethënë, policia duhet të bashkëpunojë mirë dhe të ketë një strategji të qartë për kapjen e refugjatëve.
Gjithashtu, sipas policisë, ata theksuan se ka pasur bashkëpunim ndërkufitar midis organizatave të kontrabandës në Shqipëri, Serbi dhe Bosnje dhe Herzegovinë.
Si hap i parë, sipas tij, u ra dakord që vendet e Ballkanit Perëndimor të zhvillojnë një sistem monitorimi për të analizuar më shpejt situatën në terren.
Me qëllim të intensifikimit të bashkëpunimit u krijua ekipi i policisë ndërkombëtare dhe takimi i parë në këtë drejtim është planifikuar për në 18 dhe 19 qershor në Vjenë.
“Ne duhet të fillojmë një hetim strukturor kundër kontrabandistëve, së bashku me vendet që duhet të krijojnë një sistem funksional të ripranimit,” tha ai.
