Sulmuesi anësor i Atletico Madridit, Antoine Griezmann ka befasuar të gjithë pasi ka shprehur hapur dëshirën për të luajtur në Shtetet e Bashkuara të Amerikës.
Në një intervistë për “L’Equipe”, francezi ka folur edhe për interesimin e Real Madridit por theksoi se momentalisht ndihet i lumtur në Vicente Calderon, shkruan Syri.net
“Unë e dua Amerikën. Në të ardhmen dua të kem një abonim në NBA dhe t’i shoh të gjitha ndeshjet me fëmijët e mi. Unë e shoh veten atje. Do të më pëlqente të luaja në Miami. Momentalisht jam shumë mirë te Atletico dhe nuk e mendoj largimin. Real Madrid? Do të ishte e vështirë që të transferohesha atje. S’dua ta provoj dhe nuk po mendoj për një gjë të tillë”, u shpreh Griezmann. 
