Haki Abazi, njohës i çështjeve politike, përmes një postimi në facebook ka komentuar vjedhjen e telefonit të kryeprokurorit të shtetit, Aleksandër Lumezi.
Sipas Abazit, sistemi i drejtësisë në Kosovë nuk mund të ketë besimin e askujt, pasi deri më tani nuk është zbuluar asnjë vrasje politike, shkruan “Bota sot”.
“Kush beson ne sistemin e dejtesise kur asnje vrasje e rende politike nuk eshte zbuluar deri tani, kur vrasja e Dino Hasanajt konsiderohet vetvrasje, vjedhjet ne dhomen e hetimeve nuk zbulohen, dhe jave kaluan e tani sikur eshte suspenduar pergjgjesi per burgun ne te cilin vdiq Astriti. Hajgare i thojne kesaj pune”, thotë Abazi.
Më tej sipas Abazit, arsyeja që nuk hiqen vizat lidhet me krimin e organizuar dhe korrupsionin.
“Sistemi i drejtesise perfshine edhe policine qe mori levdata nga i ashtuquajturi president dhe ashtuquajturi kryeminister. Kryeprokurori nuk eshte i sigurt ne shtepine tij e lere me te vendose qe te perndjek krimin organizuar dhe korrupcionin e larte. Kjo eshte aresyja pse nuk hiqen vizat dhe kjo eshte aresyja qe jetohet ne fukarllak”.
Ai më tej shkruan se Hajredin Kuqi, Dhurata Hoxha e Skënder Hyseni duhet urgjentisht të largohen nga postet qeveritare.
“Per me fillu cfaredo mirebesimi atehere Kuqi, Hoxha dhe Hyseni duhet me urgjence me u largu prej pozitave qeveritare. Keshtu edhe merret pergjgjesia edhe perckatohet standardi qe nuk eshte pozita shtetrore privilegj por eshte pergjegjesi. Populli thoshte: “me ba e ben po me mbajte eshte zor” As nuk u bene e as nuk po mbahet”, ka shkruar Haki Abazi./ P.R
