Gjuriç: Vuçiç afat serbëve të Kosovës që të tërheqin “të gjitha vendimet e dëmshme”

BEOGRAD, 26 Dhjetor/ATSH/.- Kryeministri i Serbisë, Aleksandar Vuçiç, i ka dhënë afat përfaqësuesve të serbëve në Kosovë që deri më 31 dhjetor të tërheqin vendimet e dëmshme nëse dëshirojnë që të marrin pjesë në atë që quhet politikë e përbashkët e serbëve dhe të shtetit të Serbisë në Kosovë.

Shefi i Zyrës serbe për Kosovën, Marko Gjuriç, informoi sot mediat mbi takimin e kryeministrit serb Aleksandër Vuçiç me përfaqësuesit politikë serbë të Kosovës për të zgjidhur mosmarrëveshjet mes deputetëve të Partisë Socialiste dhe Listës Serbe.

Kjo për faktin që disa prej përfaqësuesve serbë në Kuvend dhe Komuna me shumicë serbe nuk po i përfillin politikat e Beogradit, që ai i shikon si pasojë e ndikimit të diplomatëve të huaj dhe qeveritarëve shqiptarë në Prishtinë.

Për gazetarët, Gjuriç tha se kryeministri u ka kërkuar deputetëve serbë në parlamentin e Kosovës se vendimet e tyre duhet të jenë unike.

Drejtori i zyrës serbe theksoi se Mirjana Jevitiç, ministre e administrimit të pushtetit lokal , e cila është vendosur në këtë post në vend të Ljubomir Mariç, duhet të tërhiqet.

“Të gjitha vendimet e serbëve në Kosovë dhe Metohi duhet të merren në një mënyrë unike, me anë të bisedimeve, jo grindjeve, por me konsensus”, theksoi Gjuriç.

Në takim me kryeministrin serbë ishin deputetët e Listës Serbe, përfaqësuesit serbë në qeverinë e Kosovës dhe kryetarët e komunave serbe , por jo ministrja Jevitiç, theksoi më tutje Gjuriç, raporton “Tanjug”./Gazetaexpress/k.s/ /a.g/


1 Komente

  1. m.muharremi, January 13, 2017:

    …sigurisht keta dy pasardhes te Millosheviqit bisedojne edhe per dergimin e kryeseve dhe urdherdheneseve te vrasjes se vellazereve BYTYQI , shqiptaro-amerikaneve te batalioniit ” atllantik ” te cilet u kidnapuan me 22.07’99 ne kosove , u likuiduan me nga nji plumb ne koke dhe, me duar te lidhura u hodhen ne nji nga varrezat masive ne serbi.Tani dihet se urdherdhenesi eshte zyrtar i larte policor serb i afererem me vucicin dhe partije s e tij. Vucici ishte zotuar kongresit amerikan dhe Presidentit Obama se vete do te angazhohet ne zbardhjen e ketij akti kriminal dhe kryesit do ti sjelle para drejtesise por , si zakonisht, serbet tjeter gje thojne , e tjetr gje veprojne dhe tani , vucici po e pyet ket ahmak serb me emrin Gjuriq , si te ia bejne me tej me Ameriken ,a do te aktivizohet fabrika me e madhe e genjeshtrave ne europe qe quhet Serbi , me cilen genjeshter duhet te dele para administrates Amerikane etj..Por , vucici e ka te kote sepse , Gjuriqi as 4 lope s eshte i afte ti ruaj e jo ta keshilloj vucicin cka te beje ku me gjase edhe vete vucici ndoshta eshte i implikuar ne vrasjen makabre te vellazerve BYTYQI

Komentoni