Agnesa nuk ndalet…sukses pas suksesi. Avaconë projekte për bukrinë…

“Agnesa Vuthaj Association” ka filluar punën për të gjetur vajzën e duhur që do të shfaqë bukurinë kosovare në një nga spektaklet më të rëndësishme të bukurisë në botë. Tashmë është hapur konkursi publik për përzgjedhjen e përfaqësueses së Kosovës në “Miss Earth 2012” që do të mbahet gjatë muajit nëntor në Manila, Filipine.

Interesimi i vajzave nga Kosova për këtë ngjarje, duket të jetë i madh.

“Vetëm një orë pas publikimit të konkursit kemi marrë rreth 25 aplikime,’’ ka bërë të ditur organizatorja, Agnesa Vuthaj, për Indeksonline.

“Përparësi do të kenë vajzat që kanë eksperiencë në spektakle të bukurisë, që flasin anglisht dhe kanë njohuri për historinë, kulturën e Kosovës dhe ruajtjen e ambientit, pasi që “Miss Earth” është një spektakël që përveç përzgjedhjes së bukurisë, zhvillon edhe projekte për ruajten dhe kujdesin e ambientit qe na rrethon,’’ ka thënë tutje Vuthaj, duke shtuar se përveç pjesëmarrjes në këtë spektakël, fituesja do të ketë edhe udhëtime nëpër vende të tjera aziatike.

Konkursi vazhdon të jetë i hapur deri më 26 shtator, e pastaj do të bëhet përzgjedhja e fitueses nga një juri profesionale. Kandidatja e përzgjedhur në konkursin “Miss Earth Kosova 2012”, do të përgaditet për një muaj rresht për përfaqësimin sa më të mirë të Kosovës.

Gjatë vitit 2012, Agnesa ka kaluar disa muaj të qetë, por kjo pritet të ndryshojë në muajt e ardhshëm.

“Ky vit si për mua personalisht, poashtu edhe për “A.V.Associaton” ka qenë më i qetë. Por do të ketë edhe disa aktivitete në fund të këtij viti, ndërsa jam në përgaditje të disa projekteve të reja për 2013,‘’ ka thënë bukuroshja për Indeksonline.

Agnesa, e cila është kurorëzuar “Miss Kosova 2003” dhe “Miss Shqipëria 2004”, është themeluese e kompanisë “Agnesa Vuthaj Association”, përmes të cilës ka për qëllim që përvojen e vet personale të nivelit vendor dhe ndërkombëtar të vazhdojë ta plasojë për shoqërinë kosovare.