6 dhjetor, 2020 – Presidenti i Federatës së Futbollit të Kroacisë, Davor Shuker, së shpejti do të qëndrojë për vizitë në Kosovë. Vizita e kreut të futbollit kroat pritet të ndodhë qysh në fillim të vitit të ardhshëm, nëse gjendja me pandeminë do të vjen duke u përmirësuar. Ai me këtë rast do të jetë mysafir i FFK-së, e ku do të ketë takime edhe me krerët e institucioneve shtetërore, si dhe do të vizitojë një shkollë të futbollit. Shuker po ashtu do të ketë edhe një paraqitje para gazetarëve sportivë të vendit, ku do të flasë për përvojën dhe të arriturat e tij si futbollist dhe si president i Federatës kroate, por edhe si anëtar i KE të UEFA-s.
