Deklarata e kryeministrit të Shqipërisë, Edi Rama për mundësi bashkimi me Kosovën ka nxitur reagime në Serbi.
Mediat serbe qysh nga mëngjesi janë marrë me këtë deklaratë të Ramës e cila duket se ju ka ngjallë frikën, transmeton lajmi.net.
Lajmi për Ramën vazhdon edhe tash të jetë kryesori në të gjitha mediat serbe. B92, Blic, Tanjug, etj., po merren intensivisht me deklaratën e kryeministrit të Shqipërisë
Për gazetën ‘Politico’, Rama ka thënë në rast se Bashkimi Evropian vazhdon t’i mbaj dyert e mbyllura për vendet e Ballkanit Perëndimor, atëherë ekziston mundësia për një Shqipëri të bashkuar.
Kryeministri shqiptar paralajmëroi se braktisja e mëtejshme e anëtarësimit do të thotë destabilizim për gjithë Evropën.
