Ashtu siq kishte paralajmëruar qeveria serbe përmes ultimatumeve dhe kèrcnimeve të njëpasnjëshme për heqjen e lapidarit të UCPMB-se, ashtu edhe ndodhi. Ata hynë sot në orët të hershme, në ferk të mëngjeit (06:30) në menënyrë tinzare duke bërë atentat për së dyti ndaj 27 heronjë e Luginës së Preshevës dhe kidnapuan lapidarin nga vendi, ku populli e kishte vendosur më 16 nëntor të viti të kaluar.
Dy pyetje i sillen në kokë autorit të këtij komenti, pse xhandermeria serbe këtë aksion e ndërmori mu në vikend herët në mengjes, kur të gjithë ishin në gjumë dhe jo siq kishte pohuar presidenti i tyre Nikolic, që në pikë të ditës do ta bënte atë që e bënë sot ?!
Dhe kush i tradhtoi shqiptarët përmes “Blic” (qe e botuan disa media shqiptare) gjoja se eshtë gati të arrihet një marrëveshje për zgjidhjen e cështjes së lapidarit ?!…dhe se në Preshevë nuk ka xhandarmeri duke pohuar, fleni dath se deri nesër në ora 11-të … nuk ka intervenim të forcave serbe ?! edhe pse gjendja në terren ishte ndryshe, ku forcat serbe kishin pushtuar Preshevën duke ju ofruar lapidarit të UCPMB-së për ta hequr.
Në anën tjetër, Presheva sot ishte e pushtuar pos nga xhandermeria dhe makineria e rëndë serbe, si zakonisht edhe nga reagime dhe deklaratata të shqiptarëve. Në deklaratat e tyre sikur nga Lugina e Tetova, ashtu edhe nga Prishtina e Tirana, bashkë me parti e shoqata duket se bëhet gara se kush po reagon më ashpër e me gjatë.
Sidqodftë serbët e bënë të vetën, shqiptarët le të vazhdojnë me deklarata, që sipas të dhënave tona deri tash nga ora 7 e mëngjesit kur ata e muarën lapiderin , pasuan 64 deklaratat e reagimet varg nga ana e bashkëkombasve të Idriz Sferit, nga bashkëkombasit e Adem Jasharit dhe Mic Sokolit… deklarata keto më pak për dy-tri herë se sa numri i xhandarëve serbë që ishin sot herët në agim “mysafirë” të paftuar në Preshevën tonë.
Serbia cfarë e deklaroi e zbatoi e realizoi, shqiptarët si ata lokalë edhe ata në nivel kombëtar sa ishte në këmbë lapidari por edhe pas rënies së tij vazhdohet me deklaratat maratonike që kemi përshtypjen se ato bëhen dikush për gajret, dikush me shpërla gojën, duke përjashtuar këtu disa syresh vërtetë patriotike dhe të shqetësuara për fatin e hidhur të përmendores së UCPMB-së dhe tri komunave shqiptare ende nën Serbi.
Madje, janë paralajmëruar edhe protesta, protesta të tilla të cilat qe dhjetë vite, pas lufte, mbahen në Preshevë gati për cdo vjet dhe kush nuk dëgjoi për to më shumë se deri në Leskoc , Kumanovë apo Mucibabë (përmes “Vranjske Novine” apo Tv Hana) e Serbia po vazhdon me avazin e vjetër…Nga situata e fundit në Luginën e Preshevës mund të cmohet vetëm një gjë, uniteti i liderëve shqiptarë të Luginës nëse s’është për sye faqe dhe se është koha e fundit të ndryshojnë ata strategjinë e veprimit sepse Serbia nuk mërzitet fort për deklaratat e disa liderëve, as nuk han llaf, me pas hangër llaf, ajo kishte hangër me Kosovën !
