Janë 25 lojtarët e Interit të grumbulluar për ndeshjen e Superkupës së Italisë që do të luhet më 6 gusht kundër Milanit, në Pekin.
Për shkak të dëmtimit të japonezit Nagatomo, kapiteni i zikaltërve, Javier Zanetti, ka ndërprerë pushimet pas Kupës së Amerikës dhe do të jetë pjesë e ekipit për ndeshjen e parë zyrtare të sezonit.
Ja lista e futbollistëve të grumbulluar të Interit: Julio Cesar, Castellazzi, Orlandoni; Cordoba, Caldirola, Ranocchia, Samuel, Chivu, Faraoni, Santon, Bianchetti, Zanetti, Natalino; Stankovic, Thiago Motta, Sneijder, Alvarez, Mariga, Obi, Crisetig, Muntari; Pazzini, Eto’o, Pandev, Castaignos.
Massimiliano Allegri, trajneri i Milanit, ka grumbulluar 24 lojtarë për ndeshjen e Superkupës së Italisë ndaj Interit që do të zhvillohet në Pekin.
Edhe mbrojtësi nigerian Taye Taiwo do të udhëtojë me ekipin edhe pse nuk mund të luajë ndeshjen për shkak se duhet të shlyejë një skualifikim që nga sezoni i kaluar i kampionatit francez.
Philippe Mexes dhe Stephan El Sharaawy janë lojtarët e tjerë të padisponueshëm për Milanin për shkaqe dëmtimi.
Këto janë lojtarët kuqezinj të grumbulluar për Superkupën e Italisë: Abbiati, Amelia, Roma; Abate, Antonini, Bonera, Nesta, Taiwo, Thiago Silva, Zambrotta, Yepes, De Sciglio; Ambrosini, Boateng, Emanuelson, Gattuso, Seedorf, Van Bommel, Valoti; Cassano, Ibrahimovic, Paloschi , Pato, Robinho.
