Zeqa ne intervisten e fuidit për “Presheva jonë” tha: Deri sa te jem gjalle se kam ndërmend ta hjek nga ballina e kioskut emrin RILINDJA!
Kiosku i vetëm “Rilindjes”, në qendër të Preshevës, ishte dhe mbeti një “dritare” dhe lidhje intelektuale e shpirtërore e Preshevës me Prishtinën dhe Kosovën.
Zeqirja Ejupi-Zeqa ishte “ikonë” e Çarshisë së Preshevës..
Komuna e Preshevës e ka shpallur kioskun e shtëpisë botuese “Rilindja” simbol të gazetarisë dhe informimit të së kaluarës së Luginës së Preshevës.
Kiosku është vendosur në oborrin e Shtëpisë së Kulturës “Abdullah Krashnica” në Preshevë dhe do të jetë në dispozicion të vizitorëve.
“Kiosku në fjalë n’a përkujton dhe distributorin e së përditshmes “Rilindja” Zeqirja Ejupin – Zeqën, i cili u përkujdes disa decenie që “Rilindja” të mos mungoj asnjëherë”, thuhet në njoftimin e komunës së Preshevës.
Sipas këtij njoftimi gjithashtu thuhet se përveç qytetarëve të komunës nga ky kiosk, gazeta “Rilindja” blihej edhe nga kumanovarët, sidomos nga nxënësit dhe profesorët e shkollës së mesme, që frekuentonin Qendrën arsimore “Skënderbeu”.
