Casey Stoner ka fituar Cmimin e Madh të Portugalisë, provën e tretë sezonale të kampionatit botëror të Moto GP.
Australiani i Hondës ka arritur i pari vijën e finishit në cirkuitin e Estoril duke lënë pas spanjollët Jorge Lorenzo (Yamaha) dhe Dani Pedrosa (Honda).
Valentino Rossi pati një përmirësim të vogël duke përfunduar në vendin e shtatë garën me motorrin italian Ducati.
Me këtë fitore Casey Stoner, kampioni në fuqi i botës, merr kryesimin e renditjes së përgjithshme me 66 pikë duke zbritur në vend të dytë Lorenzon me 65 pikë.
