Kampioni i arteve të përziera marciale, Ilir Latifi, këtë fundjavë do të kthehet në tetëkëndësh.
Kundërshtar i shqiptarit është australiani 25-vjeçar, Tyson Pedro, i cili nga gjashtë duele, numëron po aq fitore. Dy prej tyre i ka realizuar me nokaut. 
Të dy luftëtarët garojnë në kategorinë ‘Light Heavyweight’ në UFC (kategorinë e lehtë të peshave të rënda), ndërsa që të dy peshojnë rreh 93 kilogramë.
34-vjeçari Latifi ka realizuar 18 duele deri më tani dhe ka arritur 12 fitore, pesë prej të cilave me nokaut.
“Është java e duelit”, ka shkruar Iliri në përshkrimin e fotografisë së publikuar në Instagram.
UFC 215 zhvillohet të shtunën (9 shtator) në Rogers Place në Edmonton të Albertas, në Kanada.
