Deputeti i LDK-së, ka bërë një gjest të madh me rastin e 28 nëntorit
Quni, ka vizituar një djalosh 8 vjeçar nga Dragashi, të cilin e kishte takuar javë më parë, i cili kishte dalur që të kërkonte ushqim për motrën e tij.
Këtë gjë Quni e ka bërë publike edhe në rrjetin social Facebook. 
Ja postimi i tij:
Heroi im!
Rafetin 8 vjeçë, nga fshati Rencë i Dragashit, e takova para dy jave në dalje të Dragashit për Prizren. Më dha shenjë të ndaloj. Ishte kohë me shi dhe bënte ftohtë. E ndalova makinen, e mora, u ulë në ulësen e pasme dhe vazhduam rrugën së bashku. Filluam biseden si dy të rritur. Edhe pse i lagur dhe i ngrirë nga të ftohtit ishte i hareshem dhe i lumtur. Kishte arritur që t’i siguronte ca fruta për motren 3 vjeçare që ishte e lënduar. Një bëmirës ia kishte dhuruar ca pemë. Në Dragash kishte ardhur në këmbë..rreth 7 km rrugë nga fshati i tij, por kjo largësi nuk i bënte përshtypje pasi që kishte siguruar pak ushqim për të motren.
Në ndarje më bëri një kërkesë; që ta vizitoj në Diten e Flamurit.
Rafet, ti je heroi im!
Urime Dita e Flamurit!
