Emri i tij, Dren, rrjedh nga gjuha shqipe, që ka kuptimin e një kafshe të shpejtë, por unë nuk jam aq i shpejtë, thotë me shaka Dren Hoxha. Ai ka kualitete tjera, shkruan media gjermane op-online.de, që ka bërë një reportazhë për talentin 21 vjeçar të futbollit.
Ai ka lindur në Offenbacher, ndërsa para pak ditësh vendosi të shkojë nga liga e tretë gjermane në ligën e katërt (regjioni jugperëndimor), për t’u aktivizuar me klubin e tij të lindjes, OFC. “Ky ishte një veprim i mençur,” thotë gazeta për vendimin e tij.
„Offenbach është vendlindja ime. Por më së shumti është gëzuar familje ime që kam ardhur këtu,” thotë ai, që vjen pas dy vjet e gjysmë përsëri në vendlindje, përcjell Bota sot.
Por talenti 21 vjeçar ka pasur oferta edhe nga FC Schalke, i cili ka luajtur edhe me grupin U23, duke shënuar edhe tre gola gjatë aktivizimit të dy ndeshjeve. “Nuk më pëlqen të aktivizohem në klubin e dytë të FC Schalke. Ose shkon më lartë në Schalke ose zgjedh ndonjë klub tjetër,” thotë ai pas mos qëndrimit më të gjatë atje. 
Gjatë sezonës paraprake ai ishte pjesë e ligës së trete regjionale, Vfr Aalen, por atje nuk ishte me fat. “Në Aalen nuk u aktivizova shumë se trajneri merrej më tepër me lojtarët me eksperiencë,” thotë ai që luajti vetëm dy herë. “Nuk isha i kënaqur,” vërteton 21 vjeçari.
Ai shpreson që gjatë sezonës së ardhshme të aktivizohet diku tjetër, por çdo gjë mbetet e hapur. “Jam akoma i ri. Vendimi do jetë i rëndësishëm për klubin por edhe për mua.”
