Vajza nga anë të ndryshme të Serbisë ofrojnë shërbimet seksuale nëpër klubet e natës në rajonin e Bujanocit e të Preshevës.
Sipas gazetës së Beogradit “Novosti”, në këto rajone me popullatë kryesisht shqiptare, këto vajza punësohen si valltare, kameriere e këngëtare dhe zyrtarisht marrin nga 50 euro për një mbrëmje e për shërbime jo zyrtare shpesh paguhen me ndonjë unazë, telefon mobil, parfum apo dhe me ndonjë fustan firmë, transmeton Telegrafi. “Është fshehtësi publike se nëpër klube e bare në territoret e Preshevës e të Bujanocit, pronarë të të cilëve janë shqiptarë, punojnë vajza kryesisht nga Serbia”, citon Novosti Slagjan Risticin, zyrtar policor serb për delikte gjaku e seksi, transmeton “Presheva Jonë”
Ai sqaron se “zyrtarisht” ato punojnë nëpër këto klube, e jo zyrtarisht ofrojnë shërbime seksuale. Dhe e gjithë kjo bëhet në baza vullnetare, kështu që nuk ka kallëzime penale për raste të tillë, thotë ai.
Ai ka shtuar se këto femra janë kryesisht nga Vojvodina, Beogradi, Nishi …
Pas një qëndrimi nëpër këto lokale, ato shkojnë në Maqedoni, saktësisht në Gostivar e në Tetovë dhe nëpër lokale të ngjashme që i mbajnë shqiptarët e pastaj edhe në Bosnjë e Kosovë.
