Francë, tre fëmijë dhe një mësues vriten në shkollën hebraike

Francë, tre fëmijë dhe një mësues vriten në shkollën hebraike

Policia franceze është vënë në kërkim të një vrasësi që lëviz me motoçikletë, me një fytyrë me tatuazhe, i cili besohet të jetë neonazist, pasi katër persona u vranë jashtë një shkolle hebraike në Toulouse, mëngjesin e djeshëm. Një 30-vjeçar dhe dy djemtë e tij të vegjël, tre dhe gjashtë vjeç, ishin mes viktimave, bashkë me vajzën tetëvjeçare të drejtoreshës së shkollës. Vrasjet e fundit ndodhën një javë pasi dy raste me të shtëna, një në Toulouse dhe një tjetër 30 milje më larg, në Montauban, lanë tre para-ushtarë të vdekur dhe një person të katërt të plagosur. Policia mendon se të shtënat, të cilat ndodhën jashtë shkollës “Ozar Hatorah”, tregojnë se një vrasës i ekstremit të djathtë ka nisur të sulmojë minoritetet etnike. Të gjitha viktimat deri tani kanë qenë hebrenj, njerëz më ngjyrë apo me origjinë veri-afrikane. Pasditen e djeshme u konfirmua se arma e përdorur në të shtënat e shkollës është përdorur edhe në dy incidentet e mëparshme. Presidenti francez, Nikolas Sarkozi, e ka cilësuar ngjarjen si tragjedi kombëtare. “Ky është tmerr. Kjo është tragjedi. Nuk mund ta shpjegoj arsyen pse ndodhi. Nuk e pranoj idenë se dikush mund t’i vrasë njerëzit në shkollën hebraike. Është tragjedi. Ky akt godet familjet në ato çka kanë më të shtrenjtë, fëmijët e tyre, dhe fut në zi gjithë kombin”, tha Sarkozi. (Panorama)


Nuk ka komente

Bëhu komentuesi i parë!

Komentoni