EGJIPT: Lidhja e Letërsisë Arabe për çështjen e Kosovës

Gjatë një tribune të mbajtur në Lidhjen e Letërsisë Arabe së Egjiptit, Prof. Dr. Beqir Ismaili, njëkohësisht edhe anëtar i këtij institucion letrar, foli për çështjen e Kosovës.

 

Kairo, 3 maj

Prof. Dr. Beqir Ismaili foli para të pranishmëve, poetë, shkrimtarë, gazetarë, analistë, publicistë, studjuesve, ku ndërmejt të tjerash tha: “Kosovën deri tani e kanë njohur 90 vende, e priten njohje të reja edhe nga vende të tjera e veçanërisht, tani më shumë se kurrë, pritet njohja e Kosovës, nga Egjipti.

 

Të habit fakti që Egjipti ende nuk e ka njohur pavarësinë e Kosovës, ndërkohë që lidhjet ndërmjet dy popujve janë shumë të lashta, ato kthehen pas në histori, që në kohën e Muhamed Ali Pashës, për të vazhduar në ditët e sotme, me përkrahjen që populli i kosovës i dha popullit egjiptian, gjatë revolucionit të fundit”.

Në fund të pranishmit parashtruan pyetje të shumta, rreth problematikës së Kosovës, bënë analiza dhe dhanë mendimin e tyre duke u shprehur se mosnjohja e pavarësisë së Kosovës nga Egjipti është rezultat i regjimit diktatorial të Mubarekut.

Prof. Ismaili kërkoi nga të pranishmit të kontribojnë secili në fushën e tij, në mënyrë që njohja e Kosovës nga Egjipti të realizohet sa më shpejt. /Alba-Press,Kairo


Nuk ka komente

Bëhu komentuesi i parë!

Komentoni