batte

Veton Surroi, në një tekst të gjatë, sot në Koha Ditore, ka cituar fjalët e Baton Haxhiut, që i kishte thënë në një emision televiziv, mirëpo, ka refuzuar t’ia përmendte emrin atij.

Surroi e ka quajtur Haxhiun , derisa ky i fundit, ka thënë për për Express s’e nuk dëshiron të merret në vikend me te, pasi është në një organizim familjar. Ka thënë se nëse do të reagojë, këtë do ta bëjë me shkrim.

Veton Surroi e quan imbecil Baton Haxhiun

Lideri shpirtëror i kompanisë “Koha”, Veton Surroi, po bën përpjekje t’i rikuperojë dëmet e një interviste të tij, të një javë më parë. Fajin për “keqkuptimet” ia ka lënë Gazetës Express, kurse ofendimet i ka rezervuar për Baton Haxhiun.

Veton Surroi, ka shkruar një tekst të gjatë, sot, në “Kohën Ditore”, lidhur me një intervistë, të dhënë një javë më parë, ku kishte folur për luftën e UÇK-së, Hashim Thaçin dhe votuesit e PDK-së.

Surroi ka thënë se i gjithë faji pse intervista e tij s’ishte kuptuar drejt është te Gazeta Express.

Sidoqoftë, Gazeta Express beson se Veton Surroi si gazetar e di se titulli i shkrimit tonë për intervistën e tij reflekton frymën e asaj që ka thënë e në asnjë mënyrë citim të fjalëpërfjalshëm. Në anën tjetër Gazeta Express vlerëson se Veton Surroi është dashur të na falënderojë për jehonën që bëri intervista e tij pasi në mediat e tij askush nuk do ta lexonte.

Në gjithë këtë situatë, Surroi ka rezervuar fyerje të rënda për Baton Haxhiun, të cilin e ka personazh edhe në një prej librave të tij. E ka quajtur imbecil. Termi “imbecil” përdoret ndaj personave që kanë zhvillim të ulët të inteligjencës. Pra, janë të dobët në inteligjencë dhe janë të afërt me idiotët.

Surroi ka treguar se si kishte reaguar kur kishte shikuar Baton Haxhiun teksa prezantonte emisionin me temë kryesore nga intervista e tij e dhënë në “Kohën Ditore”.

“Shikues të Klan Kosovës, një temë e cila ka zgjuar debat, pak a shumë, pas një interviste në Kohën Ditore të pronarit ose ish-pronarit…”, ka cituar Surroi fjalët e Baton Haxhiut.

“Reagimi im i parë ishte habia, se si ende mund të ketë paraqitje të këtilla, që i afrohen nivelit prej imbecili, në television”, ka treguar Surroi, në tekstin e botuar në KD.

“Fjalitë “Mund të teoretizojmë dhe të themi dëshira se çfarë ka ndodhur por nuk e di sa janë të vërteta ato fakte për t’i diskutuar. Mund të flasim në nivel të hidhërimit apo mund të flasim në nivel të po themi pakënaqësisë momentale, se mund të jetë edhe ndryshe”, do të tingëllonin disi në teatrin e absurdit, por gjithsesi jo në një emision debatues informativ. Aq më pak për të shpjeguar çështjen bazike: çka është ajo çka thashë në intervistë në KD”, ka shtuar ai.

Pa ia përmendur emrin Baton Haxhiut, Veton Surroi shkon edhe mëtutje me fyerjet drejtuar atij.

“Por, meqë nuk qe teatër, drejtuesi vazhdoi rrëshqitjen e mëtejme për në banalitet. Ai tha, disa herë se Veton Surroi ka deklaruar se “UÇK-ja ka luftuar kundër dy taborreve, LDK-së së Rugovës dhe Serbisë”, ka shkruar ai.

Ndryshe, Surroi ishte marrë edhe një herë tjetër me Baton Haxhiun, kur kishte shkruar për librin “Lufta ndryshe”. Aty, Surroi kishte thënë se ndaj Baton Haxhiut ende e “ndien barrën e bashkëpërgjegjësisë; mosarritjen e të ndihmuarit për formësimin e një gazetari artikullshkrues, pas kaq shumë vjetësh bashkëpunimi me të”.

Surroi kur kishte shkruar për librin e Baton Haxhiut pati ironizuar edhe me stilin e gjuhës së tij.

“Nukaka”, tha, në të mos e gjetur personin e kërkuar dhe doli nga redaksia e Kohës Ditore në Prishtinë. Disa ia vunë vëmendjen, disa jo. Disa të tjerë kishin nevojë për shpjegim. “Nukaka” do të thotë “nuk qenka”, shpjegoi shqiptimin drenicak të kolegut tonë Baton Haxhiu, Dukagjin Gorani, redaktor i atëhershëm i gazetës”, kishte shkruar Surroi, në tekstin me titull “Nukaka: çlirimi nga narracioni, konsistenca dhe faktet”.

Sidoqoftë, Haxhin në emisionin e tij, “Zona e Debatit”, në Klan Kosova, kishte gjykuar e përbuzur fjalët e  Veton Surroit në një intervistë. I kishte quajtur teza brutale. Kishte thënë në një moment se disa prej ideve te Surroit nuk do t’i diskutojë në emision, edhe për shkak të mosrespektit që ka ndaj tij.

“Shikues të Klan Kosovës, një temë e cila ka zgjuar debat, pak a shumë, pas një interviste në KOHA Ditore të pronarit ose ish pronarit, nuk e di statusin tamam tash, të KOHA Ditore, zgjuan shumë debate, mëri të akterëve të luftës. Realisht janë teza të cilat nuk do t’i trajtojmë sot, por disa prej tyre duhet anashkaluar edhe për mungesë respekti, realisht të asaj që është thënë, por duhet folur për disa për të cilat vet panelistët e kërkuan për ta trajtuar si temë edhe për faktin se tezat ishin brutalisht radikale dhe po themi ndoshta të bazuara nuk di në çfarë”, kishte thënë Haxhiu, në hapje të emisionit.

 

SHPËRNDAJE