Ferizaj, 8 mars -“Kontributi më i shenjtë në Ushtrinë Çlirmtare të Kosovës, padyshim është simbol i barazisë gjinore, duke qënë të barabarta me burrat edhe në kohërat më të vështira, ball për ball armikut…” ka thenë sot kryesesaj e Kuvendit te Ferizajt znj.Kristina Gashi e cila krmetoi Dien Nderkombetare te Gruas -8 Marsin bashkarisht me Veteranet e UÇK-së, njofton agjencia e lajmeve “Presheva Jonë”
Historia jonë kombëtare gjatë shekujve të rëndë të robërisë është e mbushur përplot shembuj të heroizmit të femrës shqiptare. Roli dhe kontributi i saj në periudha të ndryshme historike për lirinë e atdheut është shumë i rëndësishëm, për të cilin ka se çka të shkruhet dhe të flitet.
Sot kujtojmë heroinën tonë Hyre Emini, miken, intelektualen dhe luftëtaren e pamposhtur, e cila dha me të shtrenjtën, jetën, që me gjakun e saj dhe shumë dëshmoreve e dëshmorëve sollën lirinë që ne sot po e gëzojmë.
Sot, gjithashtu nderojmë heroinat tona, mbështesim fuqishëm dhe solidarizohemi me shumë gra, viktima të dhunës gjatë luftës që ende kërkojnë drejtësi.
Gratë asnjëherë nuk u dorëzuan, ne bashkarisht dëshmuam se jemi të forta, dëshmuam se mbështesim njëra tjetrën, dhe kemi një qëllim të përbashkët, të ecim para, të punojmë për të mirën e fëmijëve tanë, të mirën e vendit tonë të shtrenjtë, për hir të amanetit të të parëve tanë, për hir të dëshmorëve që ran në altarin e lirisë për të mos vdekur kurrë!
Komuna e Ferizajt krenohet me gratë heroina, sepse Ju jeni vula e shtetit, vula e sakrificës, vula e guximit.
Urime 8 Marsi!
