Skupstina-poslaniciNë pjesën e seancës së sotme të kuvendit republikan, ka qenë koha e rezervuar edhe për pyetjet për ministrat e Qeverisë së Serbisë, në të cilën kohë deputeti republikan Riza Halimi, shtroi çështjen se, përse në shërbimet policore në Bujanoc dhe Preshevë, punësohet numër tejet i vogël i shqiptarëve.

Kryetari i Partisë për Veprim Demokratik dhe deputeti popullor, Riza Halimi, ka shtruar pyetjen për Ministrinë e Punëve të Brendshme, Nebojsha Stefanoviq, se  kur kjo ministri do të siguroj pjesëmarrje adekuate të shqiptarëve në komunat Bujanoc, Preshevë dhe Medvegjë, si dhe në policinë kufitare.

“Në Preshevë jetojnë 99% shqiptarë nga numri në total i banorëve, ndërsa në polici shqiptarët kanë përfaqësim vetëm 55%”, ka theksuar Halimi, duke vlerësuar që pjesëmarrja e shqiptarëve në policinë kufitare është simbolike, njofton Tanjug. Gjithashtu, kryetari i PVD-së, Riza Halimi, ka theksuar se konkusri i hapur për pranimin e policëve të rinjë, është krijuar asisoi që nuk mund t’a kalojn as shqiptarët me arsimin e lartë./LuginaLajm/

SHPËRNDAJE