Akin Ozturk, gjenerali turk që u publikua kohë më parë në mediat turke i përgjakur gjatë arrestimit ka pranuar se e ka organizuar grushtin e shtetit. Torturat ndaj tij e vënë në dyshim se deklarata e tij mund të jetë rezultat i dhunës kundër tij, raporton Express
Ish shefi i forcave ajrore turke, Akin Ozturk, e ka pranuar se e ka planifikuar puçinë e së premtes mbrëma.
Ozturk citohet t’u ketë thënë hetuesve se ai kishte vepruar me qëllim që të kryejë puçinë, raporton Express.
Fotografi të gjeneralit Oztuk të publikuara nga Anadolu e shfaqin atë me lëndime në kokë dhe në trup.
Më herët, Oztuk e kishte mohuar përfshirjen në puç, dhe kishte thënë se kishte punuar për ta ndalë atë.
