Interi është mjaft i kënaqur me punën që po e bën trajneri Simone Inzaghi.
Ish-futbollisti italian po e udhëheq me sukses ekipin “Nerazzurri” drejt titullit të kampionit në Itali, ndërsa në edicionin e kaluar shkoi deri në finale të Ligës së Kampionëve.
Për këtë, Zikaltrit kanë vendosur ta shpërblejnë ish-trajnerin e Lazios me kontratë të re, shkruan “Gazeta Express”.
Inzaghi do ta vazhdonte me kënaqësi punën tek lideri i Serie A, i cili synon të jetë i suksesshëm edhe në këtë edicion në Champions.
“Jam mjaft i lumtur këtu në Inter”, deklaroi fillimisht trajneri i Interit.
“Kontrata e re? Nuk është një çështje. Ndihem mjaft mirë në këtë klub, me këtë bord dhe natyrisht me lojtarët e mi. Jam i fokusuar veç në paraqitjet tona”, përfundoi Inzaghi.
