Aktivisti Rron Gjinovci ka folur rreth deklaratës së anëtarit të Lëvizjes Vetëvendosje Glauk Konjufca ndaj kryetares së KQZ’së, Valdete Dakës të cilin ajo e ka quajtur kërcënim.
Gjinovci në Pressing të T7 e ka quajtur Konjufcën sharlatan.
Në anën tjetër edhe gazetari Valon Syla ka thënë se Glauk Konjufca nuk duhet të merret seriozisht.
Kujtojmë se Konjufca mbrëmë ka deklaruar se personi i vetëm që po ndikon në KQZ kundër Albin Kurtit është kryetarja e komisionit, Valdete Daka.
“Unë nuk kam informacion se ka ardh ndonjë dokument i cili ja ndalon Albin Kurtin dhe të tjerëve kandidimin për deputet. Krejt çka e di është që një kërkesë KGJK-ja ja kthy KQZ-së për të cilën dua të flas.
Mendoj qe jemi në rrezik të demokracisë në Kosovë. Albin Kurti dhe të tjerët e kanë kryer atë veprim në të mirë të shtetit të Kosovës. Kjo nuk është një vepër penale e cila ka qenë diçka në drejtim të dëmtimit të njerëzve apo dëmtim të shtetit tonë.
Personi i cili në KQZ po ndikon që edhe kërkesa me qenë sugjestive edhe kundër Albin Kurtit është Valdete Daka. Ata po dojnë eliminim politik”, kishte deklaruar Konjufca.
