Bokseri shqiptar, Florian Marku do të rikthehet sonte në ring. Kundërshtari i tij do të jetë Chris Kongo dhe ky meç pritet të jetë tejet interesant.
Kjo, pasi që duke marrë parasysh se boksierët patën një konfrontim të ashpër në një konferencë shtypi në gusht të vitit të kaluar.
“Është një rivalitet i mirë dhe vjen me një kartë shumë të mirë,” tha Marku për The Ring.
“Unë nuk kam luftuar në Londër për gati dy vjet e gjysmë. Këtu u bëra profesionist. Miqtë e mi gjithmonë dalin dhe më mbështesin. Pres një turmë të madhe dhe mezi pres t’ia mbyll gojën këtij djali.”
Boksieri shqiptar në boksin profesionist ka 13 fitore – prej tyre tetë me “nokaut” – dhe një barazim. Ndërsa, Chris Kongo ka 14 fitore e dy humbje në boksin profesionist.
Ky meç pritet që të fillojë rreth orës 21:30, teksa do të zhvillohet në “O2 Arena” në Londër.
Meçi i takon kategorisë së peshave të lehta dhe do të zgjasë 10 rounde.
