Aksioni policor, kërkohet Azem Syla, i cili dëmtoi 30 milionë euro Kosovën
(E plotesuar) – Media ka mësuar se deri tani janë janë arrestuar dy persona gjatë bastisjeve në 40 lokacione që kanë ndodhur nga EULEX-i dhe Polciia e Kosovës.
Të arrestuarit janë shoferi i Azem Sylës, deputetit të PDK-së, drejtori i ndërmarrjes banesore në Prishtinë Sabedin Haxhiu dhe Arton Vila.
Bastisjet janë kryer nën dyshimet për keqpërdorim, është raportuar sot që nga mëngjesi është kërkuar edhe Azem Syla, mirëpo që nuk ka qenë në shtëpi.
Në lagjen Pejton nga ora 06:00 e mëngjesit të sotëm, për mbi dy orë, Policia e Kosovës dhe Eulex kanë bastisur njërën nga ndërtesat e banimit, përkatësisht banesën e ish shoferit të deputetit Azem Syla.
Fqinjët e këtij personi i kanë thënë KosovaPress-it se policia e ka arrestuar fqinjin e tyre të cilin ata e njohin si vozitës të Azem Sylës.
