Skuadra e Interit arriti fitore minimale 1 me 0 ndaj AC Milan në gjysmëfinalen e dytë të UEFA Champions League, duke siguruar kështu finalen e madhe të Stambollit.
Në stadiumin “Guiseppe Meazza” të pranishëm ishin edhe lojtarë kundërshtarë, si Achraf Hakimi (Paris Saint-Germain) dhe Ivan Perisic (Tottenham Hotspur), shkruan Lajmi.net
Të dy lojtarët dikur luanin në ekipin e Interit, dhe mbrëmë festuan si të “çmendur” kualifikimin e ekipit italian në finalen e madhe të UEFA Champions League.
Skuadra e Interit tani pret ndeshjen e sotshme, Manchester City – Real Madrid, për ta mësuar kundërshtarin e finales së Stambollit.
