Indeksi glicemik është efekti i ngritjes së nivelit të sheqerit në gjak. Ushqimet vlerësohen në mes 0-100, ato me një indeks nën 55 vlerësohen si ushqime me indeks të ulët glicemik, ato me indeks 55-70 si ushqime me indeks mesatar glicemik ndërsa ato mbi 70 si ushqime me indeks të lartë glicemik

Ushqimet me një indeks të lartë glicemik si p.sh karbohidratet e rrisin shpejt nivelin e sheqerit dhe si rrjedhojë përshpejtohet proçesi i shndërrimit në yndyrë dhe ndihet më shumë uri.
Si mund të aplikojmë dietën IG?
1. Formoni një program të shëndetshëm ushqyerjeje
– Merrini në sasinë e duhur nga të gjitha ushqimet, për këtë arsye shikojeni sa shpesh duhet t’i merrni ato. Të gjitha ushqimet kanë një vlerë të ndryshme IG-je, mësojini vlerat e tyre. P.sh sheqeri pluhur ka vlerën e IG-së 65, mjalti 58, molla 38, banania 62, rrushi i thatë 64, buka e bardhë 70, orizi 87. Preferoni ushqimet me indeks glicemik nën 55.
– Përpiquni të hani çdo ditë në të njëjtat orare.
– Mbani pranë vetes ushqime të shëndetshme në mënyrë që t’i merrni sa herë që të keni uri.
– mishi dhe produktet e qumështit janë ushqyese por kanë një vlerë të lartë yndyre, përpiquni t’i konsumoni ato në trajtë zgarë, të ziera, të pjekura në furrë.
– le të konsumojmë në çdo vakt sallatë apo zarzavate me vlerë të ulët të indeksit glicemik.
2. Mos e kaloni mëngjesin
Fillojeni ditën me mëngjes të shëndetshëm kudo që të jeni, në shtëpi apo jashtë. Personi i cili ha mëngjesin është më energjik gjatë ditës dhe ka një nivel të stabilizuar sheqeri në gjak. Mëngjesi është rregulli i artë i dietës suaj të dobësimit, nëse nuk e bëni e keni edhe më të vështirë të dobësoheni.
3. Çfarë të hamë në drekë dhe darkë
Konsumimi i ushqimeve të pasura me proteinë në mes të ditës edhe do të ngopë ndjenjën e urisë edhe do t’ju ndihmojë në përshpejtimin e procesit të djegies së yndyrave. Po sigurisht që është shumë e rëndësishme se çfarë hani pranë tyre.
Sallata e stinës është zgjedhja më e mirë. Darka është koha ku kaloni kohën më të madhe me familjen tuaj dhe ku merren më shumë kalori. Le të mundohemi ta hamë darken në të njëjtin orar.
Në vend të mishit të kuq mund të hamë peshk, mish pule me sallatë, pranë gjellës me zarzavate mund të hamë bukë me drithëra në vend të pilafit dhe makaronave.
4. Kujdes 5 rregullat e gatimit
– pakësoni sasinë e kripës, vajit dhe sheqerit.
– mos përdorni krem në ushqime, supëra dhe nëse do ta përdorni mos shtoni yndyrë.
– nëse përdorni mish në gjellët me zarzavate pakësoni sasinë e tij.
– preferoni grupin light të qumështit dhe kosit sepse në këtë mënyrë do të merrni më pak yndyrë.
– përdorni teknika të shëndetshme gatimi, mos konsumoni gjëra të skuqura.
5. Llastojeni veten ndonjëherë
Ëmbëlsira, makaronat , pilafi, pica e të tjera janë ushqime nga të cilat nuk mund të heqim dorë por nëse i konsumojmë në mënyrë të kontrolluar nuk na dëmtojnë. Por nuk duhet të harrojmë se çdo porcion i konsumuar do t’ju kthehet mbrapsht. Për këtë arsye ju mund të llastoni pak veten duke konsumuar brumëra apo ëmbëlsirë një ose 2 herë në javë. Pas ngrënies së tyre gjëja e parë që duhet të bëni është të pini qumësht, kos apo dhallë në mënyrë që niveli i sheqerit të mos ngrihet shpejt. Nëse ju hahet ëmbëlsira atëherë preferoni ato me qumësht.
6. Frutat
Nëse i konsumoni shumë duhet ta dini se krijojnë të njëjtin efekt me bakllavën dhe në këtë mënyrë rritet IG. Mos i konsumoni frutat pas buke por mes vakteve dhe nga 1 porcion.
7. Kujdes lëngjet
Pijet me acid janë lëngje me një indeks të lartë glicemik. Në vend të tyre mund të pimë ujë, dhallë apo limonatë me pak sheqer ose aspak, çaj me akull etj.
8. Dobësohuni nën kontrollin e dietologut
Ndoshta mund t’ju duhet një program i ri ushqyerjeje për t’u dobësuar, flisni me dietologun tuaj dhe përcaktoni një program të ri. Aplikimi i të njëjtit program mund të ngadalësojë dobësimin.

SHPËRNDAJE