Presidenti i FFK-se, z. Ademi ne ane te nje postimi te tijin ne facebook ka shprehur ngushellimet e tije per humbjen e nje personaliteti qe i dha shume futbollit ne pergjithesi.
Ademi tha se shkuarja ne amshim e Sadik Rrahmanit nuk eshte humbje vetem per familjen dhe te afermit, por edhe per te gjithe miqt dhe komunitetin e futbollit.

 

Ja postimi i z. Ademi:

Një mëngjes i trishtë për futbollin tonë, një ditë ku humbëm një personalitet të shquar, një njeri që i dhuroi shumë futbollit të Kosovës.

Ndarja nga jeta e Sadik Rrahmanit është një humbje e madhe për familjen dhe për të gjithë ne, por ai do të mbetet gjithmonë në zemrat tona.

Sadiku ishte një futbollist i jashtëzakonshëm, që me talentin dhe lojën e tij të shkëlqyeshme la gjurmë në fanellat e Trepçës e Prishtinës, por edhe disa klubeve tjera në Kosovë e rajon.

Pas përfundimit të karrierës si futbollist, ai vendosi të vazhdojë t’i shërbejë futbollit në pozitën e trajnerit dhe gjyqtarit.

Sadiku ishte një nga gjyqtarët më të respektuar në vendin tonë, derisa njëkohësisht punoi me përkushtim të madh edhe me gjeneratat e reja në KF Trepça’89, ku pati suksese të vazhdueshme.

Viteve të fundit me përvojën e profesionalizmin e tij kontribuoi si anëtar i Komisionit të delegimit të gjyqtarëve në FFK, duke ndihmuar në rritjen e standardit dhe integritetit të ndarjes së drejtësisë në futbollin tonë.

Ikja e tij e hershme nga kjo botë është humbje e madhe për familjen dhe komunitetin e futbollit në Kosovë.

Ai ishte një njeri me vlera të mëdha humane, një personalitet me energji pozitive dhe një zell të vazhdueshëm për të bërë ndryshime të mira në futbollin tonë.

Ndaj, kujtimi i tij do të mbetet gjithmonë në zemrat tona, teksa vepra dhe kontributi i tij do të jenë udhërrëfyes për të gjithë ne.

Sadik Rrahmani do të na mungojë shumë të gjithëve që jemi pjesë e komunitetit të futbollit, por kujtimi për të do të vazhdojë të jetojë.

Në emrin tim dhe të gjithë komunitetit të futbollit në Kosovë, u shpreh ngushëllimet më të sinqerta familjes Rrahmani dhe miqve të tij.

I lehtë i qoftë dheu i Kosovës!

SHPËRNDAJE