(AIK-Presheva Jone)
Rusia ka kërkuar që Këshilli i Sigurimit i Kombeve të Bashkuara, të ndërmarrë një mision në Lindjen e Mesme, për ta zhbllokuar procesin e paqes dhe për t’i vlerësuar trazirat në Egjipt dhe në vendet e tjera. 
Ambasadori i Rusisë në Kombet e Bashkuara, Vitalij Çurkin, tha se të dërguarit e Këshillit do të duhej të shkonin në Izrael, në territoret palestineze, në Siri, Egjipt dhe Liban.
Sipas tij, ky mision, “do të mund e stabilizonte situatën në mënyrë të caktuar dhe do të mund t’i ndihmonte përpjekjet ndërkombëtare për rifillimin e negociatave izraelito – palestineze”.
Këshilli i Sigurimit nuk e ka vizituar këtë rajon të trazuar për më tepër se tri dekada.
Rusia është njëra nga pesë vendet anëtare të përhershme e Këshillit të Sigurimit të OKB-së, së bashku me Britaninë, Kinën, Francën dhe Shtetet e Bashkuara. Aktualisht, Këshilli i Sigurimit i ka 15 anëtarë.
