Brad Pitt ka theksuar në një intervistë për The Sun se të qenit prind ka bërë që të jetë më i kujdesshëm në rolet që zgjedh për filmat e tij të rinj.
“Fëmijët e dinë që unë dhe Angelina luajmë në filma, por nuk e kuptojnë se çfarë do të thotë kjo dhe nuk janë të çuditur”, tregon Pitt, baba i 6 fëmijëve, 3 nga të cilët të adoptuar.
“Kur u bëra baba fillova të isha më i kujdesshëm për rolet që zgjidhja sepse e di që do vijë dita kur fëmijët e mi do shohin punën time dhe dua që ata të jenë krenarë për atë që kam bërë”, shtoi bashkëshorti i aktores Angelina Jolie.
Filmi i fundit i Brad Pitt, “The Tree Of Life”, fitoi Palmën e Artë, çmimin më të madh në Festivalin e Kanës.
