Situata politike në Shqipëri do të jetë në fokusin e diskutimeve në punimet e sesionit të Parlamentit Evropian, që do të zhvillohet nga 14 deri më 17 shkurt.
Më 15 shkurt, Stefan Fule, komisionar për Zgjerimin në Bashkimin Evropian do të mbajë një deklaratë në Parlamentin Evropian (PE), mbi situatën politike në Shqipëri.
Qëndrim pritet të mbajnë dy grupet e mëdha parlamentare, që së fundmi kanë kërkuar dialog për kapërcimin e krizës që ka përfshirë Tiranën prej më shumë se një viti. 
Diskutimet për Shqipërinë vijnë në një kohë kur për vendet e rajonit si Mali i Zi, Serbia apo Kroacia po diskutohen mbi progresin drejt anëtarësimit në Bashkimin Evropian, ndërsa për Shqipërinë ky proces ende vijon të mbetet pezull.
