Agim Zogaj i njohur si dëshmitar X nuk jeton më, por familjarët duket se do ta vazhdojnë rrugën e tij.
Ata kanë akuzuar EULEX-in se nuk ka bërë asgjë për ta mbrojtur jetën e familjarit të tyre, dhe që madje nuk e patën lejuar atë të dal para medieve për t’i sqaruar të gjitha.
Pas varrimit të tij në Prizren të shtunën, vëllai Afrimi që e kishte strehuar Agimin prej majit të këtij viti në Duisburg të Gjermanisë, ka thënë se Agimi ka lënë pas një letër që do të bëhet shpejt publike.
Sipas tij, Agimi ka lënë si testament një letër shumë të gjatë ku ka treguar fije për pse se çfarë ka ndodhur në tërë këtë proces, por nuk ka dashur ta bëjë publike për media.
