Londër, 21 maj 2012, NOA – Këngëtari Robin Gibb themeluesi i grupit të njohur të viteve ’70 “Bee Gees”, ka ndërruar jetë mbrëmjen e djeshme në Londër. Gibb 62 vjeç prej kohësh vuante nga tumori. Këngëtari kishte shfaqur problemet e para më shëndetin në vitin 2010, kohë në të cilën ndërpreu dhe daljet në koncertet solo që zhvillonte në Angli.
Grupi Bee Gees përbëhej nga tre vëllezër, Barry, Robin, dhe Maurice Gibb. Ata u bënë të njohur gjatë viteve ’70 në rrymat muzikore; pop, pop rock, disco, soft rok. Disa nga këngët më të njohura janë; “Spicks and Specks”, “Tomorrow Tomorrow”.
