Duket se dhe mamatë vip kanë probleme. Sipas “National Enquirer”, Angeles Jolie rrezikon në humbasë birin e saj Pax, të cilin e ka adoptuar që nga marsi i viti 2007.
Pham Gio Dung, nëna biologjike e djalit tetë vjeçar, me origjinë nga Vietnami, pasi kapërceu problemet me drogën, tani dëshiron të kthehet me fëmijën e saj. Pham Gio Dung ka ushtruar presion mbi agjencinë e adoptimit për të folur me Pax dhe ta kthejë atë në Vietnam me anë të bashkimit familjar.
Pham Dung e ka braktisur Pax dy ditë pas lindjes në një jetimore në Ho Chi Minh, pas problemeve që kishte me drogën. 
Ylli i Hollivudit, sipas miqve të saj, është duke jetuar një makth. Thuhet se Pax është shumë i vogël për t’iu nënshtruar një goditje psikologjike kaq të vështirë.
Brad Pitt dhe Angelina Jolie kanë një familje të madhe me gjashtë fëmijë, tre prej të cilëve të adoptuar: Shiloh Nouvel, binjakët Knox Leon dhe Vivienne Marcheline, Maddox, Zahara dhe Pax.
