Vaksina e zhvilluar nga kompania “AstraZeneca” dhe Universiteti i Oksfordit është “95% efektive”, si ato të miratuara tashmë për “Pfizer”-in dhe “Moderna”-n, “dhe është në gjendje të eliminojë 100%” simptomat e rënda që çojnë në shtrime në spital për Covid-19.
Lajmi është bërë i ditur nga Pascal Soriot, drejtori i përgjithshëm i kompanisë “AstraZeneca” për shtypin britanik.
Sipas gazetës “Sunday Times”, drita jeshile e autoriteteve britanike për vaksinën do të mbërrijë “deri të enjten”, ndërsa shpërndarja e saj duhet të bëhet duke filluar nga 4 janar 2021. 
Ndërkohë, në Britani ka disa ditë që ka nisur vaksinimi anti-Covid i kategorive më të prekshme nga ana e kompanive “Pfizer” dhe “Moderna”.
