Qeveria në detyrë e Kosovës ka bërë të ditur se sot Komisioni i Venedikut iu është përgjigjur Albin Kurtit në lidhje me kërkesën për opinion në raport me kompetencat e presidentit, raporton Gazeta Express.
Në njoftimin që ka bërë qeveria në detyrë kanë bërë me dije se Komisioni ka vlerësuar që të respektojë vendimmarrjen e Gjykatës Kushtetuese.
“Pasi Gjykata Kushtetuese ka marrë vendim për vendosjen e masës së përkohshme deri më 29 maj, duke e pezulluar veprimin e Dekretit të Presidentit, dhe meqë Gjykata po e trajton këtë çështje, Komisioni ka vlerësuar që të respektojë vendimarrjen e Gjykatës Kushtetuese, pasi veçse ka vepruar. Ne e mirëpresim sugjerimin e Komisionit për të respektuar e pritur shqyrtimin e kërkesës dhe vendimin e Gjykatës Kushtetuese. Pas trajtimit nëse shihet nevoja për sqarime shtesë dhe ndihmë për opinion nga Komisioni, do të ndërmarrim hapat e nevojshëm”, thuhet në njoftim./Express/
