Mbledhja e Qeverisë së Kosovës dhe asaj të Shqipërisë e cila është paraparë të mbahej më 24 prill në Vlorë është shtyrë për një datë të pacaktuar.
Zyra për komunikim me publikun e Kryeministrit ka bërë të ditur për lajmin se kjo mbledhje është shtyrë për shkakun se Isa Mustafa do të vizitoj Brukselin javën që vjen.
Ndërsa ditët në vijim pritet të gjendet një kohë e përshtatshme dhe të caktohet data e kësaj mbledhje.
Javë më parë ministri i Jashtëm kosovar, Enver Hoxhaj dhe ai shqiptar, Ditmir Bushati gjatë një takimi organizuan mbledhjen e përbashkët në mes dy qeverive.
