Xhevdet Mazrekaj editor, Nefail Maliqi, gazetar nderkombëtar, dy kolege, militant te demokracisë dhe fjales se lire te press-it
Preshevë, Bruksel, 4 prill -Një raport nga misioni i OSBE-së në Kosovë në të cilin bëhet fjalë mbi zgjedhjet e një vendi fqinj, të Serbisë të cilat u mbajtën edhe në territorin e Kosovës, ka ngritur shqetësim nga institucionet në Kosovë, por edhe nga gazetat ditore, shoqata gazetaresh dhe analistë, që sipas “Presheva jonë” raporti në fjalë mund të jetë përgatitur nga ndonjë serb, sepse një lëshim i tillë është i pa tolerueshëm dhe normalisht nuk do të guxonte të dilte nga ndërkombëtarët, ndryshe do të ishte skandaloze?!
Në këtë raport, OSBE Kosovën e quan “Kosovë dhe Metohi”, ndërkaq komunitetin romë si maxhup. Analistët e vlerësojnë këtë veprim të OSBE-së si fyerje dhe raciste
Nefail Maliqi, gazetar i njohur shqiptar në Gjenevë, në cilësinë e kryetarit të Asociacionit Ndërkombëtar të Gazetarëve Shqiptarë në Zvicër dhe Evropë (AJASE) ka reaguar ashpër ndaj këtij raporti të OSBE-së dhe ka dënuar këtë fjalor racist, zhargon ky i cili përdorej jo vetëm në kohën e kriminelit Milosheviç por edhe sot nga nostalgjikët komunist dhe “jugosllav”.
Lidhur me këtë ka reaguar edhe editori i gazetës me të madhe shqiptare në Kosovë dhe Evropë “Bota sot”, z. Xhevdet Mazrekaj
Gazeta “Bota sot”, në të kaluarën ishte dënuar me qindra e mijëra euro pse gjatë luftës, krimeve dhe masakrave serbe ndaj popullatës civile në Kosovë, lexuesit tanë të mllefosur kishin përdorur fjalën “shkie” apo pse një person paska ngritur tre gishtërinj si një simbol i serbeve?!
“Nëse këto lëshime vërtetë janë bërë nga OSBE dhe nuk kanë gishtërinj aty serbët, kjo organizatë evropiane me emrin OSBE duhet të kërkojë falje, aq me tepër qe disa komisione, në emër të kësaj organizate evropiane nëse kujtojmë, Simon Haselock, Anna de Lelio, Robet Gillet, të cilët “masakronin” mediat shqiptare në emër të OSBE-së sidomos kombëtaren “Bota sot” me do farë ligje. Me këtë skandal ose duhej të dënoj veten ose duhet të kthehen prapa paratë e dënimeve duke kërkuar, falje ndaj redaksisë së “Bota sot” që ishte gjobitur në të kaluarën”, thekson Mazrekaj.
“Nëse flasim për lirinë e shprehjes dhe lirisë së shtypit, kjo duhet vlejë edhe për serbët të cilët edhe sot e kësaj dite para hundeve të OSBE-së në Beograd ato vazhdojnë të përdorin fjalorin e gjuhës se urrejtjes se Milosheviçit “siptari” dhe jo që nuk i dënojnë ato media, por as vërejtje nuk ju japin ?!”, ka deklaruar editori i “Bota Sot” z.Mazrekaj për “Presheva jonë”.
Ndryshe sipas Mazrekajt, OSBE duhet të kthejë të hollat, që TMC (i njohur si bord i mediave në kuadër të OSBE-së) (Haselok, De Leliko, Robet Gillet bashke me do shqipfolës dhe serbofil) kishin dënuar gazetën kombëtare “Bota sot”, ose ta dënoj edhe vetveten e cila flet sot me të njëjtën gjuhë të urrejtjes për qytetarët në Kosovë apo emrin e Kosovës?!
Bruksel, IFJ dhe “Reporterët pa kufij”: Te ndalen mediat serbe duke fyer shqiptaret me “siptari” se mund t’i nxisin mediat shqiptare t’i quajnë ata “shkie”.
Pas rënies së regjimit diktatorial të Milosheviçit, i cili ishte armiku numër një i mediave në Kosovë e Serbi shumë analistë menduan se me të ikën edhe ditët e zeza për mediat. Por, sipas kryetarit të AGSHZE-së, elementët e këtij regjimi të gjuhës se urrejtjes, racizmit dhe fyerjeve ende kanë mbetur sidomos në mediat serbe. “Themi keshtu sepse përkundër pranisë së OSBE-së në Beograd, shtypi serb vazhdon të fyejë e etiketoj shqiptarët ne Luginën e Preshevës dhe shqiptarët në përgjithësi duke përdorur ende gjuhën e Millosheviçit si “siptari”, “Kosovo i Metohija”, “kosmet”, “terroristi”, “vehabisti”, “islamist” etj..” ka pohuar në Bruksel kryetar AGSHZE.
Dy organizatat botërore që përkujdesen për gazetarët dhe lirinë e shtypit në botë, Federata Ndërkombëtare e Gazetarëve (The International Federation of Journalists (IFJ) në Bruksel dhe “Reporterët pa kufij” (RSF) kanë dënuar gjuhën e urrejtjes në mediat e Serbisë.
Sipas Sagaga nga IFJ, “fjalori i urrejtjes dhe i fyerjeve i takon së kaluarës. Gjuha fyese nga koha e diktatorit serb Millosheviç si “Siptari” duhet të hiqet nga mediat serbe, ndryshe nuk i bën mirë vetë Serbisë, e cila po bëhet gati t’i bashkëngjitet familjes së madhe Evropiane, BE-së. Te ndalen mediat serbe duke fyer shqiptaret me «siptari » se mund t’i nxisin mediat shqiptare t’i quajnë ata «skie»”.
Lidhur me këtë edhe Organizata Ndërkombëtare e Gazetarëve Shqiptarë në Zvicër dhe Evropë-AGSHZE (Association Internationale des Journalistes Albanais en Suisse et en Europe-AJASE) para ca ditësh i është drejtuar OSBE-së në Vjenë dhe Beograd, duke kërkuar që të përdorin autoritetin e tyre duke ndalur urrejtjen dhe racizmin në faqet e mediave serbe duke fyer shqiptarët me “siptari”.
Ernest Sagaga, shef i Federatës Ndërkombëtare të Gazetarëve (IFJ) për Evropën dhe Olivier Basile, përgjegjës i “Reporterët pa kufij” për Evropën me seli në Bruksel, nga Beogradi kanë kërkuar që mediat serbe të ndalin fyerjet ndaj shqiptarëve me termin “siptari”.
