Shorti i Champions Leagues vazhdon të gjenerojë polemika. Së fundmi është e përditshmja katalanase “Mundo Deportivo” ajo e cila ka publikuar një artikull duke iu referuar një analize të një grupi shkencëtarësh të cilët kanë ngritur akuza për manipulim.
CERN (Organizatë evropiane për Hetime Nukleare) ka zhvilluar një analizë duke u bazuar edhe në probabilitet dhe rezultati final dyshohet të jetë manipulues.
“Pas analizimit të gjithave mundësive, studimi tregon se probabiliteti që shorti i Championsit është si rezultat i rastësisë është më pak se 1/4000, por as nuk konfirmohet të jetë manipulim”, shkruan “Mundo Deportivo”.
Ky është lajmi kryesor për të përditshmen katanase e cila ngre dyshime për favorizim të shortit të Real Madridit e cila do të përballet me Napolin, ndërsa Barcelona e cila u pozicionua në vendin e parë do të luajë kundër PSG-së. 
Asgjë nuk mund të thuhet përfundimisht pasi të gjithë e dimë që kjo gazetë është katalanase dhe ndoshta ka gjetur një mënyrë të tërthortë për të sulmuar kundërshtarët e tyre të përjetshëm, Real Madridin.
