Një shpikës kinez ka dizenjuar një makinë të jashtëzakonshme e cila do të ecë në çdo vend, rërë, akull, si dhe ujë. Makina do të ketë një shpejtësi maksimale deri 100 km/h dhe ndryshon formë duke u përshtatur me vendin mbi të cilin do të lëvizë. Yuhan Zhang, 21-vjeç e ka quajtur këtë makinë Volksvagen Aqua dhe e ka prezantuar në një kompeticion të organizuar nga kompania gjermane. “Shpresoj se Aqua do të bëhet një ditë makinë për të gjithë njerëzit e thjeshtë”, thotë ai. Makina është dizenjuar në një teknologji e cila është e mundshme aktualisht por nuk dihet nëse Volksvagen do ta përzgjedhë për realizim këtë projekt.
