Kryetari i Lëvizjes Vetëvendosje, Visar Ymeri i ka quajtur derra treshen, Hashim Thaçi, Isa Mustafa e Kadri Veseli.
Në një konferencë të mbajtur për media, Ymeri ka thënë se kjo treshe po tenton që ta shndërrojë vendin në fermë të kafshëve.
Ai ka bërë të ditur se do të përdorin protesta dhe forma të tjera të kundërshtimeve për Demarkacionin me Malin e Zi. 
I pari i VV-së ka thënë se ka bërë përpjekje që të mbajë takime me partitë e tjera opozitare, në mënyrë që kundërshtimi për kalimin e projektligjit për kufirin me Malin e Zi në Kuvend të jetë më i fuqishëm, por thotë se nuk ka pasur vullnet nga liderët e dy partive të tjera.
Përndryshe, Visar Ymeri tha se me vendimin për procedimin e demarkacionit në Kuvend, ata (liderët e pozitës) kanë rrënuar sistemin e demokracisë dhe të debatit.
Sipas tij, vendimi për kalim të demarkacionit në Kuvend ka qenë edhe më herët, ndërsa debati dhe të tjerat janë organizuar kot
