"Volvo" i thotë lamtumirë çelësit fizik (Video)

Personat që do të blejnë një makinë tip “Volvo” të re do të mund të bëjnë zgjedhjen revolucionare për të hequr dorë nga çelësi.

Mediet ndërkombëtare shkruajnë se nga viti 2017, shtëpia suedeze e automjeteve do të bëhet e para në botë që do të ofrojë një aplikacion për telefonat smart, që do të mundësojë zëvendësimin e çelësit fizik me atë elektronik.

Teknologjia inovative, që do të prezantohet në Kongresin Botëror të Telefonisë në Barcelonë, parashikon lidhjen përmes “Bluetooth”-it, duke ofruar mundësi të reja përdorimi të automjeteve.

Sipas autoriteteve të kësaj kompanie, aplikacioni i zhvilluar nga “Volvo” mundëson zhvillimin e të gjitha funksioneve për të cilat aktualisht përdoret një çelës fizik, si për shembull për të bllokuar dhe zhbllokuar portat apo portën e bagazheve, por edhe për të ndezur motorin.

SHPËRNDAJE