Bujanoc, 7 gusht -Kryetari i Këshilli Kombëtar Shqiptar (KKSH), Shukri Ymeri, priti dje në
takim Shefin e ri të Departamentit për demokratizim të Misionit të OSBE-së në
Beograd, John Clayton, dhe Këshilltaren për pakicat nacionale në kuadër të këtij
Departamenti, Zuzana Pavlikova, të shoqëruar nga shefi I zyrës së OSBE-së në
Bujanoc, Giacomo Bosisio, njofton agjencia e lajmeve “Presheva Jonë”
Gjatë takimit janë biseduar shumë tema, ndër të tjera theksi i është vënë situatës
politike dhe pozitën e shqiptarëve në Preshevë, Bujanoc dhe Medvegjë.
Kryetari Ymeri e njoftoi me rrjedhat e KKSH-së, punën, orientimet dhe çështjet që
presin të zgjidhen.
Gjithashtu, gjatë këtij takimi është biseduar edhe për çështjet tjera që janë në
kompetencë të KKSH-së e posaçërisht vëmendje i është kushtuar gjendjes së arsimit
me mësim në gjuhën shqipe në Luginën e Preshevës. Duke u fokusuar në mungesën e
teksteve shkollore në gjuhën shqipe dhe shkollimin e lartë të shqiptarëve.
Vlen të theksohet se palët kanë treguar gatishmërinë për të bashkëpunuar edhe më tej
në trajtimin e problemeve dhe gjetjen zgjidhjeve të mundshme brenda kuadrit
demokratik. 
