Piktura e njohur me titull “Dy rojet shqiptare para portës”, që paraqet dy roje shqiptare në Egjipt, një nga kryeveprat e piktorit serb të shekullit të XIX, Paja Jovanoviç, është shitur në Londër. Keshtu piktuar e tij “Duke pire duhan” kui pe rpersonazh ka nje shqiptar, trefishoi çmimin fillestar prej 10,000 euro ku nje blerësi i saj pagoi për këtë punë 37,000 euro, raprtojne mediat serbe (“Njegova slika “Albanac koji puši” u bečkoj aukcijskoj kući utrostručila početnu cenu od 10.000 evra i njen kupac je platio za ovo delo 37.000 evra”), trasnmeton agjencia e lajmeve “Presheva Jonë”
Piktura është shitur në ankandin e famshëm të artit, “Sotheby’s”, duke filluar nga shifra e 150 mijë stërlinave deri në shifrën përfundimtare të afro gjysmëmilioni stërlinash, duke e bërë atë pikturën më të shtrenjtë të këtij piktori.
Paja Jovanoviç ka rreth 8 tablo me tematika shqiptare dhe njihet si “orientalisti” më i madh serb. 
Jovanoviç ka udhëtuar disa herë në Shqipëri, duke qëndruar në Shkodër për t’u njohur me kostumet kombëtare shqiptare, ku thuhet se krijoi një miqësi të fortë me piktorin e shquar të Rilindjes Kombëtare, Kol Idromenon.
Ai ka qëndruar në mesin e shqiptarëve, që nga Mali i Zi e deri në Egjipt, e njihet si një ndër piktorët e rrallë që ka nxjerrë me ngjyra në pëlhurë madhështinë dhe krenarinë e shqiptarit, së bashku me rrobat karakteristike.
Ndër pikturat me tematikë shqiptare janë “Përgatitja e nuses shqiptare”, “Mësimi i shpatës”, “Vallja e shpatave”, “Vajza me çifteli”, “Dredhja e duhanit”, “Shqiptari duke pushuar”, etj..
Edhe pse nuk dihet blerësi, media serbe ka kritikuar ashpër qeverinë që nuk investon në blerjen e këtyre veprave për Muzeun e tyre Kombëtar.
Ndërkohë që në Shqipëri, asnjë nga këto piktura nuk është pronë e fondit të artit, apo ndonjë koleksionisti shqiptar.
