Ashtu siç ndodh edhe herë të tjera, kur vjen Dita e Verës, mijëra qytetarë vërshojnë nëpër rrugët e qyteteve më të mëdha në vend.
Këtë herë, në krye të turmës në Tiranë u pa kryebashkiaku Erion Veliaj, që mbante veshur një bluzë me logon e Supermenit.
“Fokusi janë fëmijët dhe shumica e aktiviteteve kanë në qëllim argëtimin e fëmijëve. Më vjen mirë që sot patëm hapësira mjaftueshëm si për shitësit ambulantë, edhe për fëmijët që të luajnë. Në qytet ka vend për të gjithë, mjafton që secili të respektojë hapësirat e tij”, tha Veliaj. 
Ndërkohë në shesh u shfaqën edhe fëmijë me veshje superheronjsh.
“Ky do të jetë një vit fantastik për Tiranën, do të hapim disa kantiere. Do të nisim me sheshin Skëndërbej, që mund të bëhet më i bukuri në rajon”, shtoi Veliaj.
